KC Good Show

承諾話星期五返去睇，點知Ｄ功課纏身到咁既，真係估唔到呀。睇唔到佢地星期五出ＳＨＯＷ，但有ＭＯＶＩＥ補數，ＴＨＸ阿鍵。

星期六終於返到去睇啦，假都請埋！！果然人多勢眾，好多唔知咩人黎既。首先讚下佢地套衫好搶先，之後就當然係佢地既熱心啦，都知佢地排得辛苦又急。無見一排既關Ｂ珊瘦左好多，其他人就無乜大變啦。

差唔多８分鐘，我都好想跳呀。兩個月時間排，咁ＫＥＥＰ住跳一定ＦＩＴ到洩。所以見阿斌阿鍵佢地跳得好左好多啊，當中女仔首推阿詩跳得最好，阿斌響男仔堆中最出既一個。個個都有進步，好有ｈｅａｒｔ！Ｌｏｖｉｎ’ｓ　ｉｔ！ＫＣ始終都係我既至愛！

７分幾好快就過啦，個個跳完都興奮。。。當然啦，唔駛再跳囉喎！可以休息下，辛苦各位！ＫＣ　Ｇｏｏｄ　Ｓｈｏｗ！

之後去左唱Ｋ，夢想成真，之前話想唱真係唱到啦。十年無唱，中氣不足叫救命唔該。

朋友們請小心身子，天氣又冷返啦。病左既朋友祝早日康復！

衝衝衝...兩份Paper連一個present,臨趕抱佛腳.做做做...40時內訓左兩個鐘,忙到訓唔到.錯錯錯...仲要成日做錯野,魂遊太虛連自己都覺得自己唔係自己.

好在我終於完左呢兩日啦...順便請假唔返工,放鬆下. 好想唱K,可惜喉嚨發炎...

星期一二同老豆大伯上左去浸溫泉,五星酒店,仲要兩日食四餐...住食都比我想像中好,而且好平...唔怪得老一輩鐘意上去玩啦,抵到咁.

星期二晚一落船就趕入大欖同班同學BBQ啦...再返元朗食糖水.

-----------------------------------------------------------

雲錦布衣入面個講解係一個叫九妹既"阿伊瑪",口齒伶俐個腦又轉得快,真係厲害.仲有班"阿囉","阿邦戈".雲南D小數民族係母系社會,男主內女主外...真係估唔到宜家仲係咁喎.

住響古兜山溫泉渡假村東瀛閣...舒服到爆,D別墅新開1個月左右,新簇簇.

好煩呀...點解諗過Topic都可以煩到咁...係咪自己大想頭但又力有不逮呢?係咪真係咁無用?聽左咁多野,諗左咁多野,樣樣都有人試過,撞到一鼻都係灰...真係想發癲呀...廿個腦都死啦.

學貴不足,業精於勤...

而家世界上有太多負面野,Be positive...相信自己係得既,一年時間實有D野做到.

除左返學放學返工放工跳舞之外,我決定搵多條路…我決定要做義工!!